Mendia euskal komunitatearen mamian dago. Txikiek nahiz helduek, adina dena dela, denek parte hartzen dute mendira joatearen tradizioan, eta beren bizitzako alderdi aktiboa bihurtu da gainera. Txangoak, kirolak, zailtasun desberdinetako jarduerak… Eskualde honetako natura berde eta biziarekin kontaktuan egotea funtsezkoa da euskaldunontzat.
Club Vasco de Camping Elkartea funtsezko zutabea izan da naturarekiko lotura hori sustatzeko; izan ere, aire zabaleko jarduerak sustatu, eta komunitatearen zentzua eta ingurunearekiko errespetua landu ditu.
Bere 75. urteurrenean, Klubak etorkizunera begiratzea erabaki du, mendizaleen begiradarekin, eta bere marka berritu du bere tradizio eta historia aberatsari ohore egiteko eta, aldi berean, etorriko diren belaunaldiekin konektatzeko.
Erronka:
Klubaren funtsean sakontzea eta bere ondarearekin jarraitzea izan da erronka nagusietako bat. Komunitate horren espiritua eraikitzen duen tradizio sendoa babestea eta belaunaldi berrietara iristea, errealitate berrira egokituz; kontu handiz eta planteatu dugun proiekzioarekiko errespetu handiz jokatu behar izan dugu.
Estrategia:
Proiektuari ekiteko, klubaren mamira joan gara, bazkideekin emozionalki konektatzen duen horretara: mendiarekiko pasioa. Natura partekatuaren kontzeptua hartu dugu lurraldearen erreferentzia gisa, eta ikusi dugu, izpiritu erronkari eta aktiboa bultzatzean, komunitatea are gehiago hurbil dezakegula mendira. Kemen handiz, mendia bizitzera gonbidatzen ditugu denak.
Klubaren dibertsitatea kudeatzea erronka estrategiko garrantzitsua izan da. CVCE Donostiako mendizaleen klub historikoak (borondatez kudeatzen da) adin guztietako pertsonak biltzen ditu: haurrak, erretiratuak, mendi-ibilaldiak egiten dituztenak, goi-mendiko eskalatzaileak, kanpoan kirola egiten dutenak, edo kultura-jarduerez gozatzen dutenak (hitzaldiak eta erakusketak, adibidez).
Identitatea
Modernizatzea, tradizioa galdu gabe.
Tipografia funtzionala eta klubaren izaera historiko, atsegin eta abegikorra islatzen dituen beste tipografia bat konbinatu ditugu, kolore-paleta zabal eta erraz batekin. Horrez gain, aplikatzeko hainbat baliabide erabili ditugu, kideen artean jabetza-sentimendua sustatzeko eta ikusgarritasuna emateko, baina klubeko edozein material modu bereizgarrian pertsonalizatzeko tresna gisa.
Armarria sinplifikatu dugu. Haren osagaiak murriztu ditugu, haren irudikapena eta irakurgarritasuna hobetzeko, betiere haren funtsa galdu gabe; era berean, estilo garaikideagoa duen logo bat sortu dugu, aplikatzeko erraztasunari lehentasuna emanez.
Proiektu honek funtzionaltasunaren eta emozioaren arteko oreka laburbiltzen du, mendiarekiko pasioan oinarrituta. Harro gaude emaitzarekin, eta guretzat ospatzekoa da horrelako markekin lan egitea, jarduera bera ia jomuga bat baita.