Hasiera batean, AMA, gure taldearekin harremanetan jarri zen bere sarien marka, PesMes izenekoa, lantzeko. Berehala jakin genuen erronka ekitaldi bat eguneratzetik haratago zihoala. Lehen elkarrizketa hark Elkarteari berari buruzko hausnarketa sakonagoa zabaldu zuen. Zer zen AMA une horretan, nori ari zitzaion benetan hitz egiten eta zer eginkizun izan nahi zituen Euskadiko marketinaren etorkizunean.
Erronka:
AMA esparru akademikoari eta masterreko ikasleei lotuta geratu zen esklusiboki; marketinaren diziplina berriz, aurrera zihoan, geroz eta zailagoa zen eta erreferentzia espazio zabalagoa eskatzen zuen. Testuinguruak berrikuspen estrategikoa eskatzen zuen bezala.
Proiektuaren helburua AMA Euskadiko marketinerako eta salmentetarako erreferentziazko komunitate gisa birkokatzea izan zen. Ikasleekiko lotura bizirik mantentzeko gai izango den espazioa, baina baita jardunean dauden enpresa, erakunde eta profesionaletara modu argian zabaltzeko ere.
Estrategia:
Euskal ekosisteman aukera argi bat identifikatu genuen: pertsonak eta ezagutza konektatuko dituena, diziplinari ahotsa emango diona eta marketinak enpresen barruan izango duen rola areagotuko duen komunitatea sortzea. Hortik, asmo handiko posizionamendu bat definitu genuen, profesionalek Euskadin marketinean pentsatzen dutenean begiratzen duten tokia. Erreferentzia izatea. Orainean egoteko, partekatzeko eta erantzunak aurkitzeko erabili beharreko espazioa. Definitutako marka kontzeptu honek, exijentziaz lan egitera eta gure elkarrizketen estandarra igotzera garamatza, horrela, Euskadin marketinak behar duen topagune bizi, hurbil eta garrantzitsu gisa sendotzeko.
Orainean egoteko, partekatzeko eta erantzunak aurkitzeko erabili beharreko espazioa. Definitutako marka kontzeptu honek, exijentziaz lan egitera eta gure elkarrizketen estandarra igotzera garamatza, horrela, Euskadin marketinak behar duen topagune bizi, hurbil eta garrantzitsu gisa sendotzeko.
Estrategiak, esanahia ez ezik, jarduera esparrua ere birdefinitu zuen. Hartzaileak kontzienteki zabaltzea, tonua berrikustea, balio proposamena argitzea eta portaera diskurtsoarekin lerrokatzearen aldeko apustu ausarta egitea. Ahotsa jarri genuen rol aitzindarian, eta ozen esan genuen Euskadiko Lehen Marketin Elkartea garela.
Nortasuna:
Identitate bisuala sortzeko kontzeptu nagusia zubia da, logo berria sortu zuen konexio eta lankidetza sinboloa. AMAk konexio sortzaile izateko duen bokazioa irudikatzen du, ezagutza aberasten duen lotura eta bere komunitatearentzako laguntza puntu bat. Sinbolo horrek tokiko iruditeriarekin hitz egiten du, Bizkaiko zubiarekin esaterako, eta etorkizunerako trantsizio, batasun eta proiekzioaren ideia indartzen du.
Emaitza marka berritu bat izan zen maila guztietan: sendotasuna eta zabalkundea transmititzen duen identitate bisuala, ahots inspiratzaile eta profesionala. Gure inguruko marketinari buruzko elkarrizketa gidatzeko prest dagoen AMA bat.
AMAren marka berria bere nortasunetik eraikitzen da: ausarta eta inspiratzailea. Komunitate aktibo, askotariko eta etengabe aldatzen ari den batekin konektatuko lukeen adierazpen bat bilatzen dugu. Energia, ekintza eta oraina islatzen dituen marka, EHUko unibertsitatearen inguruarekin lotzen duena, sendotasuna galdu gabe.
Paleta kromatikoak dinamismoa transmititzen duten tonu dardartiak eta unibertsitatearen nortasun instituzionalarekiko koherentzia bermatzen duen oinarri orekatua konbinatzen ditu. Ikuste sistema, tresna malgu eta eskalagarri gisa diseinatu zen, Elkartearen hazkundeari eta etorkizuneko bilakaerari laguntzeko prestatua.
Horrek guztiak bisualki indartsua, irekia eta bere helburuarekin koherentea den marka bat sortzen du: gure diziplinarako etorkizun hobea eraikiz eta gure komunitatearentzako bultzada emanez. Aurrera bultz egiten duen proiektu bat, azken finean, Merezi dugun Marketing-a.
