Jakintzatik
ekintzara

Ekintzailetzak rol estrategikoa lortu du ekonomien garapenean, ehun produktiboaren oinarri bihurtu arte. Ekintzailetzaren ekosistemak norabide berria hartu du, non teknologien erabilera eta ezagutza zientifikoa negozio-eredu berrien katalizatzaile bihurtu diren. Une honetan, talentu berria eta ideia disruptiboak gizartearen ongizate-maila hobetzen ari dira.

Zorionekoak gara; teknologian, industrian eta talentuan aberatsa den ingurune batean bizi gara. Ingurune hori bideratu eta haz dadin eragiteko, hainbat erakunde, BIC GIPUZKOA esaterako, lanean ari dira, haren potentzial guztia bultzatzeko. Ingurune honetan, ideiek, berrikuntzek eta talentuak bat egiten dute, gure lurraldea etorkizunerantz bideratzeko.

  • ¬∑ Brand diagnosis
  • ¬∑ Brand strategy
  • ¬∑ Visual identity
  • ¬∑ Verbal identity
  • ¬∑ Digital design

Erronka:

Gure ekintzailetza-ekosistema konplexua da, eragile ugari baitaude inplikatuta: erakunde publikoak, erakundeak, enpresak, ekintzaileak, unibertsitateak, nazioarteko laguntzaileak… Gainera, zerbitzu-eskaintza zabala dugu.

Markaren erronka handia zera da, BIC GIPUZKOAk ekosistema honetan duen rolaren balioa nabarmentzea. Izan ere, diru-laguntza publikoak eskuratzeko leihatila hutsa izatetik, proiektu ekintzaile konplexuak eta nitxo-proiektuak babesten eta bultzatzen espezializatutako eragilea izatera igaro da. Barrutik kanpora egin du bilakaera, eta, horri esker, bere stakeholder guztientzat oso baliotsua den jarduera irisgarri eta garrantzitsu bihurtzen du.

Estrategia:

Gure estrategiaren oinarria markarentzako lurralde bereizgarria izatea da. Habitat zientifiko eta teknologiko honi esker, esperientzia eta berezitasunetik ekin nahi dioten pertsona edo enpresek garapen ezin hobea izango dute. Leku honetan, ezagutza eta aurrerapen ekonomiko eta soziala sustatzen dira. Bertan sortzen eta hazten dira gure ingurunea aldatu eta gure etorkizuna hobetzen duten ideiak. Leku honetan, ekintzailetza bizirik dago.

Narratibak gure markaren posizionamendua handitzen du, eta, era berean, ekintzailetza zientifiko-teknologikoak gure lurraldearen, Gipuzkoaren, aurrerapen sozioekonomikoa areagotzen du. BICen gaude, ideiak hazten diren gune batean. Gaur egunetik, etorkizunari forma ematen.

JASOTZEA. Kontzeptu hori estrategikoa da, bai eta matematikoa ere. Kontzeptu horri esker eraiki ditugu BIC GIPUZKOAren sustraiak. 

Esamolde horrek esanahi bikoitzarekin jolasten du, eta hari esker sortutako nortasun bisualak, oinarri oso zientifikoa izateaz gain, azaldutako markaren lurraldeari ere primeran erantzuten dio.

Nortasuna:

Gure nortasun bisualaren ardatz nagusia zirkulu perfektu bat da. Diseinurako, Petri plaka erabili genuen oinarri gisa, hura ere ingurune kontrolatua baita, eta primerakoa hazkunderako. Gainera, ikerketarekin eta zientziarekin zerikusia du.

Gure korporazioaren forma bereizgarria osatzeko, ardatz bertikal edo horizontal bat dago. Proiektuen bilakaera irudikatzen du, BICen laguntzari esker, alde argia dago hasierako ideiaren eta enpresaren sorkuntzaren artean. Ardatzaren altuera kalkulu zientifiko batek zehaztu du: urrezko proportzioak. Kalkulu horrek aplikazio ugari ditu konputazio-zientzietan, matematikan eta jokoen teorian, eta konfigurazio biologikoetan ere agertzen da. 

Irtenbidea:

Logotipoa eta haren kolore nagusia berdin mantendu arren, gure nortasuna eguneratu dugu. Esanahia duten lerroetan oinarritutako formaz gain, gama kromatikoa zabalagoa eta pertsonalagoa da, eta tipografia, bereizgarriagoa, bat dator markaren balioekin, aldi berean teknologikoa eta gizatiarra delako. Elementu horiek batuz, gure lengoaia propioa eraiki dugu, eta pieza ikonikoak sortu ditugu, BICentzat funtsezkoak izandako kontzeptuak irudikatzeko. Horri esker, beharrezko materiala dugu ikus-entzunezko zein ingurumeneko piezak eraikitzeko.